Zyrtare: Mërgim Mavraj rikthehet te Greuther Furth

12:36 | 26 Qershor 2019
Arbresh.info

Mërgim Mavraj e ka kompletuar edhe zyrtarisht rikthimin te Greuther Furth.

Mbrojtësi shqiptar ka qenë në të kaluarën pjesë e skuadrës gjermane, derisa sot ka kompletuar edhe zyrtarisht rikthimin.

Klubi gjerman ka njoftuar në llogaritë e tyre në rrjetet sociale se kanë arritur marrëveshje me kapitenin e Kombëtares së Shqipërisë.

Futbollisti 33-vjeçar së fundmi ka luajtur te Ingolstadt, gjersa është shprehur i lumtur për rikthimin te skuadra edhe ku kishte disa suksese.

“Nuk u ktheva për t’i dhënë fund karrierës sime këtu. Drejtuesit e klubit më kanë bindur që të kthehem këtu dhe dua t’i falënderoj për besimin që ma kanë dhënë dhe do të mundohem që si herën e parë të jap më të mirë nga vetja”, ka thënë mbrojtësi veteran.

Mavraj në të kaluarën ka luajtur edhe për skuadrat si, Koln, Hamburg, Aris dhe Ingolstadt, ndërsa sot u rikthye te skuadra nga liga e dytë e Gjermanisë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm